Ուսանողներից կաշառք ստանալու և պաշտոնեական կեղծիք կատարելու համար մեղադրանք է առաջադրվել դեկանի տեղակալին. քրեական գործի նախաքննությունն ավարտվել է
ՀՀ հակակոռուպցիոն կոմիտեում քննված քրեական գործով ձեռք բերված բավարար ապացույցների համակցությամբ հիմնավորվել է, որ Ա. Թ.-ն, 2002-2022 թվականների ընթացքում զբաղեցնելով ԵՊՀ մաթեմատիկայի և մեխանիկայի ֆակուլտետի դեկանի տեղակալի պաշտոնը, ունենալով դոցենտի կոչում և հանդիսանալով ֆակուլտետի կառավարման կոլեգիալ մարմնի անդամ, ակնհայտ ապօրինի գործողության համար ուսանողներից ստացել է կաշառք, ինչպես նաև կատարել պաշտոնեական կեղծիք:
Կոռուպցիոն բնույթի տարբեր չարաշահումներ կատարելու, այդ թվում` առանձնապես խոշոր չափերով փողերի լվացման մեջ մեղադրվող Վլադիմիր Գասպարյանի և Արշակ Հակոբյանի վերաբերյալ քրեական գործի նախաքննությունն ավարտվել է
2000-2018 թթ. ընթացքում պետական ծառայության տարբեր պաշտոններ զբաղեցրած Վլադիմիր Գասպարյանի, ինչպես նաև 2011-2018 թթ. վերջինիս անվտանգության պետի պարտականությունները փաստացի կատարած Արշակ Հակոբյանի վերաբերյալ ՀՀ հակակոռուպցիոն կոմիտեում քննված քրեական գործերի նախաքննությամբ բացահայտվել են նշված անձանց կողմից կոռուպցիոն բնույթի բազմաթիվ չարաշահումներ կատարելու դեպքեր: Նախաքննությամբ բավարար ապացույցներ են ձեռք բերվել այն մասին, որ վերջիններս իրենց պաշտոնավարման տարիներին պաշտոնեական լիազորությունները չարաշահելու, հովանավորչության և կոռուպցիոն հանցավոր այլ գործունեության արդյունքում ձեռք են բերել իրենց և ընտանիքի անդամների օրինական եկամուտները շեշտակի գերազանցող գույք, այդ թվում` թանկարժեք տներ և տրանսպորտային միջոցներ, որոնց հանցավոր ծագումը թաքցնելու նպատակով տարբեր եղանակներով, մասնավորապես` իրենց հետ փոխկապակցված անձանց անվամբ գրանցելու ձևական գործարքների միջոցով օրինականացրել են դրանք:
Խոշոր չափերով կաշառք ստանալու համար մեղադրանք է առաջադրվել ՀՀ քաղաքաշինության, տեխնիկական և հրդեհային անվտանգության տեսչական մարմնի պաշտոնատար անձանց. քրեական գործի նախաքննություն ավարտվել է
ՀՀ հակակոռուպցիոն կոմիտեում քննվող քրեական գործի նախաքննությամբ ձեռք բերված բավարար ապացույցների համակցությամբ հիմնավորվել է, որ ՀՀ քաղաքաշինության, տեխնիկական և հրդեհային անվտանգության տեսչական մարմնի Կոտայքի տարածքային բաժնի պետի տեղակալի պաշտոնը զբաղեցրած Պ. Ե.-ն ու նույն բաժնի գլխավոր մասնագետի պաշտոնը զբաղեցրած Ա. Գ.-ն կազմակերպության օգտին ակնհայտ ապօրինի անգործության համար նախնական համաձայնությամբ ստացել են խոշոր չափերով կաշառք:
Հակակոռուպցիոն կոմիտեի նորանշանակ ծառայողները երդվեցին նպաստել հասարակությունում կոռուպցիայի դեմ զրո հանդուրժողականության ձևավորմանը
ՀՀ հակակոռուպցիոն կոմիտեում այսօր տեղի է ունեցել օպերատիվ-հետախուզական գործառույթներ իրականացնող վարչությունում պաշտոններ ստանձնած նորանշանակ ծառայողների երդման արարողությունը:
Ավարտվել է ՀՀ ոստիկանության պաշտոնատար անձին կաշառք առաջարկելու փաստով քննված ևս մեկ քրեական գործի նախաքննություն
ՀՀ հակակոռուպցիոն կոմիտեում քննվող քրեական գործով ձեռք բերված բավարար ապացույցների համակցությամբ հիմնավորվել է, որ 2022 թվականի ապրիլի 4-ին Ջերմուկ քաղաքում ծառայություն իրականացնող ՀՀ ոստիկանության Ջերմուկի բաժնի պարեկապահակետային ծառայության ոստիկանները, նկատելով, որ Ա. Ղ.-ն ավտոմեքենան վարում է սահմանված արագության գերազանցմամբ և վթարային ազդանշանները միացված վիճակում, փորձել են կանգնեցնել նրան, սակայն վերջինս չի ենթարկվել ոստիկանների հրահանգին և շարունակել է երթևեկությունը:
ՀՀ հակակոռուպցիոն կոմիտեի ղեկավար կազմն ու աշխատակիցներն այցելել են Ծիծեռնակաբերդի հուշահամալիր
ՀՀ հակակոռուպցիոն կոմիտեի ղեկավար կազմն ու աշխատակիցները Հայոց ցեղասպանության 107-րդ տարելիցի կապակցությամբ այցելել են Ծիծեռնակաբերդի հուշահամալիր` հարգանքի տուրք մատուցելու Ցեղասպանության անմեղ զոհերի հիշատակին: Կոմիտեի աշխատակիցները ծաղկեպսակ են դրել հուշակոթողին, ծաղիկներ խոնարհել Մեծ եղեռնի սուրբ նահատակների հիշատակը հավերժացնող անմար կրակի մոտ:
Ավարտվել է Հայաստանի տարածքային զարգացման հիմնադրամի աշխատակիցների կողմից առանձնապես խոշոր չափերով կաշառք ստանալու փաստով քննված քրեական գործի նախաքննությունը
ՀՀ ազգային անվտանգության ծառայությունում նախապատրաստված նյութերի հիման վրա ՀՀ հակակոռուպցիոն կոմիտեում հարուցված քրեական գործի շրջանակներում բացահայտվել է Հայաստանի տարածքային զարգացման հիմնադրամի աշխատակիցների կողմից շինարարական կազմակերպության սեփականատերերից առանձնապես խոշոր չափերով կաշառք պահանջելու և ստանալու դեպք:
ՀՀ հակակոռուպցիոն կոմիտեի քննիչները մասնակցել են ԵԱՀԿ աջակցությամբ կազմակերպված վերապատրաստման դասընթացներին
Հայաստանում հակակոռուպցիոն բարեփոխումների իրականացման ԵԱՀԿ ծրագրի շրջանակներում ապրիլի 19-20-ը ՀՀ արդարադատության ակադեմիայում կազմակերպվել է ՀՀ հակակոռուպցիոն կոմիտեի քննիչների մասնագիտական կարողությունների զարգացմանը միտված գործնական դասընթաց: Այդ նպատակով Երևանում գտնվող ԵԱՀԿ ներկայացուցիչները` Անդրեյ Մունտեանը և Օքսանա Գիսկան, այցելել են նաև ՀՀ հակակոռուպցիոն կոմիտե, հանդիպել ղեկավար կազմի հետ, ծանոթացել նորաստեղծ կառույցի գործունեությանը: ՀՀ հակակոռուպցիոն կոմիտեի նախագահ Սասուն Խաչատրյանի հետ հանդիպման ընթացքում քննարկվել են ԵԱՀԿ-ի աջակցությամբ իրականացվող ծրագրերը և դրանց շրջանակներում կոռուպցիոն բնույթի հանցագործությունների, մասնավորապես՝ փողերի լվացման քննության արդյունավետության բարձրացման ու միջազգային լավագույն փորձի ուսումնասիրության նպատակով դասընթացների անցկացումը:
Խոշոր չափերով կաշառք ստանալու և դրան օժանադակելու կասկածանքով ձերբակալվել են «Վանաձորի սպասարկում» ՀՈԱԿ-ի տնօրենն ու աշխատակիցները
Խոշոր և առանձնապես խոշոր չափերով կաշառք ստանալու, տալու, կաշառք ստանալուն օժանդակելու դեպքերի առթիվ ՀՀ ազգային անվտանգության ծառայության քննչական դեպարտամենտում հարուցված և ՀՀ հակակոռուպցիոն կոմիտեի վարույթում քննվող բազմադրվագ քրեական գործի նախաքննության ընթացքում կատարված լայնածավալ քննչական գործողությունների արդյունքում փաստական տվյալներ են ձեռք բերվել այն մասին, որ Վանաձորի քաղաքապետարանի ենթակայությամբ գործող «Վանաձորի սպասարկում» ՀՈԱԿ-ի տնօրեն Է. Գ.-ն, նույն ՀՈԱԿ-ի աշխատակիցներ Մ.Մ.-ի և Տ.Մ.-ի օժանդակությամբ Վանաձոր քաղաքի մի խումբ անձանց օգտին գործողություններ կատարելու, այն է` գերեզմանատանը նրանց նախընտրած վայրերում տարածքներ տրամադրելու համար 2021 թվականի հոկտեմբերից դեկտեմբերն ընկած ժամանակահատվածում հիշյալ անձանցից պահանջել և ՀՀ դրամով ու ԱՄՆ դոլարով ստացել է խոշոր չափերով կաշառք:
