Հ Ա Յ Տ Ա Ր Ա Ր ՈՒ Թ Յ ՈՒ Ն

ՀՀ հակակոռուպցիոն կոմիտեում փորձագետ ներգրավելու մասին 

1.       Աշխատանքների համառոտ նկարագրությունը՝

ՀՀ հակակոռուպցիոն կոմիտեն (այսուհետ՝ Կոմիտե), հանդիսանալով կոռուպցիոն բնույթի հանցագործությունների քննություն իրականացնող մասնագիտացված մարմին, կազմակերպում և իրականացնում է ՀՀ քրեական դատավարության օրենսգրքով իր ենթակայությանը վերապահված՝ ենթադրյալ կոռուպցիոն հանցագործությունների դեպքերով մինչդատական վարույթ:

Կոռուպցիոն բնույթի հանցագործությունների վերաբերյալ քրեական վարույթների քննության ընթացքում ծագում է ֆինանսատնտեսագիտական, հաշվապահական հաշվառման, բանկային, հարկային և մաքսային բնագավառների գիտելիքների տիրապետող մասնագետ-փորձագետների խորհրդատվության, աջակցության, վերլուծությունների, հաշվետվությունների անհրաժեշտություն։ Փողերի լվացման և կոռուպցիոն այլ հանցագործությունների վերաբերյալ վարույթների քննությունը ենթադրում է որոշակի լրացուցիչ տակտիկայի կիրառում: Անհրաժեշտություն է առաջանում նախաքննության հենց սկզբից ձեռնամուխ լինել ֆինանսական տեղեկություններ որոնելուն, հայտնաբերելուն, հավաքագրելուն, դասակարգելուն, վերլուծություններ կատարելուն և իրացնելուն։ 

2.  Փորձագետներ ներգրավելու ժամկետը՝ մինչև մեկ տարի։

2.1 Փորձագետի աշխատավարձը կազմում է՝  510 625 (հինգ հարյուր տասը հազար վեց հարյուր քսանհինգ) ՀՀ դրամ։ 

         3 .Փորձագետների պարտականությունները՝

3.1 բարեխղճորեն կատարել աշխատանքային պայմանագրով ստանձնած աշխատանքները.

3.2 պահպանել համապատասխան մարմնում սահմանված ներքին կարգապահական կանոնները, աշխատանքային կարգապահությունը.

3.3 սահմանված ժամկետներում կազմել և ներկայացնել փորձագետի աշխատանքների ծրագրով նախատեսված հաշվետվությունները.

3.4 պահպանել աշխատանքի պաշտպանության և անվտանգության ապահովման միջոցները.

3.5  իրականացնել աշխատանքային օրենսդրությամբ, «Հանրային ծառայության մասին»  օրենքով և աշխատանքային պայմանագրով իրեն վերապահված այլ պարտականությունները.

4. Փորձագետներին ներկայացվող պահանջները՝

•  Բարձրագույն տնտեսագիտական կրթություն,
• Տնտեսագիտության կամ ֆինանսավարկային բնագավառում՝ մեկ տարվա աշխատանքային ստաժ, 
•  Համակարգչով, մասնավորապես, MS Excel ծրագրի լավ իմացություն և գործնական կիրառություն, ինչպես նաև ժամանակակից այլ տեխնիկական միջոցներով աշխատելու ունակություն, ռուսերեն կամ անգլերեն լեզուներին (կարող է կարդալ և բացատրվել) տիրապետում և ոլորտի իրավական ակտերի մշակման փորձառություն,
• Գրավոր և բանավոր հայերենի գերազանց իմացություն,
•  Տվյալների բազայի հետ աշխատելու կարողություն:
•  

Դիմող ՀՀ քաղաքացիները պետք է ներկայացնեն հետևյալ փաստաթղթերը՝

                 1. դիմում ՀՀ հակակոռուպցիոն կոմիտեի գլխավոր քարտուղարի անունով՝ https://bit.ly/4kfsNOj .

     2.    անձնագիր կամ նույնականացման քարտ.

         3. սոցիալական քարտ կամ հանրային ծառայության համարանիշ ունենալու մասին տեղեկանք.

          4. կրթությունը հավաստող պետական նմուշի փաստաթուղթ (փաստաթղթեր).

     5. աշխատանքային գրքույկ (գրքույկի բացակայության դեպքում անհրաժեշտ է ներկայացնել տեղեկանք/ներ կամ այլ փաստաթուղթ/եր).

    6. արական սեռի անձինք՝ նաև զինվորական գրքույկ կամ դրան փոխարինող ժամանակավոր զորակոչային տեղամասին կցագրման վկայական, կամ համապատասխան տեղեկանք.

         7.  մեկ լուսանկար՝ 3 X 4 սմ չափսի.

         8.  ինքնակենսագրական.

    9. հայտարարություն ՀՀ կառավարության 2018 թվականի օգոստոսի 2-ի 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին՝ https://bit.ly/3EKL71x ։

 Պաշտոնի նշանակելու իրավասություն ունեցող պաշտոնատար անձի կողմից ընտրություն կատարելու եղանակներն են՝ 

Դիմում ներկայացրած քաղաքացիների փաստաթղթերի ուսումնասիրություն, ինքնակենսագրականների ուսումնասիրություն։

Քաղաքացիները դիմումը և փաստաթղթերը ներկայացնում են անձամբ պատճենների հետ միաժամանակ կամ sh.hovhannisyan@anticorruption.am էլեկտրոնային փոստի միջոցով՝ սկանավորված եղանակով: Եթե քաղաքացին դիմումը և փաստաթղթերը ներկայացնում է անձամբ, ապա անմիջապես ստանում է համապատասխան հավաստում փաստաթղթերը ներկայացված լինելու վերաբերյալ, իսկ էլեկտրոնային փոստի միջոցով ուղարկելու դեպքում համապատասխան հավաստումը ստանում է մեկ աշխատանքային օրվա ընթացքում:

Փաստաթղթերն ընդունվում են 2025 թվականի փետրվարի 24-ից 2025 թվականի փետրվարի 27-ը, ժամը 18։00-ն՝ ներառյալ։  Էլեկտրոնային փոստով ուղարկված փաստաթղթերի ընդունման համար ժամկետի ավարտման օրը՝ ժամը 24:00-ն:

Լրացուցիչ տեղեկությունների համար դիմել Հայաստանի Հանրապետության hակակոռուպցիոն կոմիտե՝ անձնակազմի կառավարման վարչություն 011 900 027, 011 900 026 հեռախոսահամարներով։