ՀԱՅՏԱՐԱՐՈՒԹՅՈՒՆ

          Հայաստանի Հանրապետության հակակոռուպցիոն կոմիտեում քրեական վարույթ իրականացնող պաշտոնատար անձանց որոշումներով նախատեսված դեպքերում Հայաստանի հանրապետության պետական միջոցների հաշվին թարգմանչի, սուրդոթարգմանչի և տեսողական սահմանափակումների պատճառով հաշմանդամություն ունեցող անձի օգնականի ծառայություններ մատուցող անձի կողմից մատուցվող ծառայությունների ձեռքբերման նպատակով հայտարարված մրցույթի մասին

Հայտարարության սույն տեքստը և կից ներկայացված պահանջները հաստատված են ՀՀ հակակոռուպցիոն կոմիտեի 2024 թվականի մարտի 18-ի «Մրցույթ հայտարարելու և մրցութային հանձնաժողով ստեղծելու մասին» թիվ 09-Լ հրամանով ձևավորված մրցութային հանձնաժողովի կողմից` 2024 թվականի հունվարի 19-ին ընդունված թիվ 1 որոշմամբ։
Մրցույթ հայտարարած իրավասու մարմին՝ ՀՀ հակակոռուպցիոն կոմիտե, որը գտնվում է Վ. Վաղարշյան 13ա հասցեում.
• Մրցույթի արդյունքում հաղթող ճանաչված մասնակցին սահմանված կարգով կառաջարկվի կնքել ծառայությունների մատուցման պայմանագիր՝ https://bit.ly/4aiJz9x ։
• Մրցույթին հայտ կարող են ներկայացնել ՀՀ կառավարության 2018 թվականի դեկտեմբերի 20-ի «Թարգմանչի որակավորման կարգը հաստատելու մասին» թիվ 1509-Ն որոշման պահանջները բավարարող ֆիզիկական և իրավաբանական անձինք (այսուհետ՝ մասնակից):
• Մրցույթին հայտ չի կարող ներկայացնել, իսկ ներկայացնելու դեպքում այն ենթակա չէ քննարկման և մերժվում է, եթե չի համապատասխանում ՀՀ կառավարության 2018 թվականի նոյեմբերի 22-ի «Պետական միջոցների հաշվին թարգմանչի, սուրդոթարգմանչի և տեսողական սահմանափակումների պատճառով հաշմանդամություն ունեցող անձի օգնականի ծառայություններ մատուցող անձին նշանակելու կարգը սահմանելու մասին» թիվ 1334-Ն որոշման 6.3-րդ կետով նշված պահանջներին:
• Մրցույթում հաղթող մասնակից է ճանաչվում ՀՀ կառավարության 2018 թվականի նոյեմբերի 22-ի «Պետական միջոցների հաշվին թարգմանչի, սուրդոթարգմանչի և տեսողական սահմանափակումների պատճառով հաշմանդամություն ունեցող անձի օգնականի ծառայություններ մատուցող անձին նշանակելու կարգը սահմանելու մասին» թիվ 1334-Ն որոշման և սույն հայտարարությանը կից ներկայացվող պահանջներին բավարարող մասնակիցը:
Հայտարարված մրցույթին մասնակցության հայտերն անհրաժեշտ է ներկայացնել թղթային տարբերակով՝ ք. Երևան Վ. Վաղարշյան 13ա հասցեով և էլեկտրոնային ձևով` g.babayan@anticorruption.am էլեկտրոնային հասցեին:

 Հայտերը ներկայացնելու վերջնաժամկետն է 2024 թվականի ապրիլի 03-ը, ժամը 11:00-ն:

Սույն հայտարարության հետ կապված լրացուցիչ տեղեկություններ ստանալու համար կարող եք դիմել մրցութային հանձնաժողովին` նշված հեռախոսահամարներով։

Հեռախոս՝   011-900-034, 011-900-014

Էլ. Փոստ՝  g.babayan@anticorruption.am

Պատվիրատու՝ ՀՀ հակակոռուպցիոն կոմիտե

ՊԱՀԱՆՋՎՈՂ ԾԱՌԱՅՈՒԹՅՈՒՆՆԵՐ

Մրցույթում հաղթող է ճանաչվում սույն կարգին համապատասխան (մեկ չափաբաժնի համար՝ գրավոր և բանավոր գումարային) թարգմանչական աշխատանքի համար նախատեսված գումարի սահմաններում նվազագույն գնային առաջարկ ներկայացրած մասնակիցը: Հավասար գնային առաջարկ ներկայացնելու դեպքում հաղթող է ճանաչվում առավել երկար մասնագիտական աշխատանքային ստաժ ունեցող թարգմանիչը, իսկ կազմակերպության դեպքում՝ առավել երկար աշխատանքային գործունեություն իրականացրած և իր կազմում առավել երկար մասնագիտական աշխատանքային ստաժ ունեցող թարգմանիչներ ընդգրկող, իսկ այս պայմանների հավասար լինելու դեպքում՝ առնվազն միևնույն լեզվով 2 կամ ավելի թարգմանիչներ ընդգրկող կազմակերպությունը:

Հայտերի բացումը կկատարվի ք. Երևան Վ. Վաղարշյան 13ա հասցեում, հանձնաժողովի հայտերի բացման նիստում` սույն թվականի ապրիլի 03-ին, ժամը 11:00-ին։

Ծառայությունները պետք է մատուցվեն ՀՀ կառավարության 22.11.2018 թվականի «Պետական միջոցների հաշվին թարգմանչի, սուրդոթարգմանչի և տեսողական սահմանափակումների պատճառով հաշմանդամություն ունեցող անձի օգնականի ծառայություններ մատուցող անձին նշանակելու կարգը, նրա վարձատրության չափը և կարգը սահմանելու մասին» թիվ 1334-Ն և ՀՀ կառավարության 20.12.2018 թվականի «Թարգմանչի որակավորման կարգը սահմանելու մասին» թիվ 1509-Ն որոշումների պահանջների համաձայն:

Միջին բարդության իրավաբանական թարգմանությունը` Պատվիրատուի կողմից հանձնարարված պատշաճ որակի թարգմանությունն է:

            Լրացուցիչ պահանջներ`

1. Թարգմանիչների՝ Հայաստանի Հանրապետության կառավարության 2018 թվականի դեկտեմբերի    20-ի «Թարգմանչի որակավորման կարգը սահմանելու մասին» N 1509-Ն որոշմանը համապատասխան որակավորված համարվող անձ հանդիսանալը հավաստող համապատասխան փաստաթղթերը կցվում են յուրաքանչյուր թարգմանչական գործին:

2. Գրավոր թարգմանության դեպքում Պատվիրատուն՝ թարգմանվող տեքստը Կատարողին հանձնում է թղթային և էլեկտրոնային տարբերակներով: Կատարողը՝ տեքստը ստանալու օրվանից քննիչի որոշմամբ սահմանված ժամկետում կատարում է թարգմանությունը և Պատվիրատուին է ներկայացնում իր կողմից հաստատված թարգմանված տեքստը` թղթային և դրա էլեկտրոնային տարբերակներով:

3.  Թարգմանված նյութերը պետք է տրամադրվեն առնվազն երկու օրինակից, իսկ Պատվիրատուի պահանջի դեպքում` նաև երեք օրինակից:

4. Թարգմանվող նյութերում կնիքի և ստորագրության առկայության դեպքում թարգմանությունը իրականացվում է հետևյալ կերպ`

• Կնիքի առկայության դեպքում թարգմանվում է հետևյալ կերպ`  թարգմանվող լեզվով <Կնիք զինանշան> /կնիքի վրա առկա գրառումները չեն թարգմանվում/, /եթե մեկ գործի շրջանակներում թարգմանվող նյութերի կնքված էջերի քանակը գերազանցում են 1-ը, ապա թարգմանվող նյութերում նույն կնիքը համապատասխան ձևով թարգմանվում է մեկ անգամ` թարգմանվող նյութերի վերջին էջում: Մեկից ավելի կնիքների առկայության դեպքում թարգմանությունը կատարվում է նշվածին համապատասխան նույն ձևով/
• Ստորագրության առկայության դեպքում թարգմանվում է հետևյալ կերպ` թարգմանվող լեզվով <Ստորագրություն> /եթե մեկ գործի շրջանակներում թարգմանվող նյութերի ստորագրված էջերի քանակը գերազանցում են 1-ը, ապա թարգմանվող նյութերում ստորագրությունը համապատասխան լեզվով թարգմանվում է մեկ անգամ` թարգմանվող նյութերի վերջին էջում: Մեկից ավելի ստորագրությունների առկայության դեպքում թարգմանությունը կատարվում է նշվածին համապատասխան նույն ձևով/
• Թարգմանության ներկայացված նյութերում առկա՝ մաթեմատիկական բանաձևերը, վիճակագրական դիագրամները, ֆինանսական կամ այլ հաշվարկների վերաբերյալ աղյուսակները, ինչպես նաև այն նշումները, որոնք թարգմանության արդյունքում փոփոխության չեն ենթարկվում, այսինքն՝ չեն թարգմանվում, ուստի չեն կարող հաշվարկվել որպես թարգմանված նյութի միավորներ:  
• Եթե թարգմանության ներկայացված նյութերում առկա թվանշանների քանակը գերազանցում է 5 էջը, ապա դրանք թարգմանված փաստաթղթում արտացոլելու համար վճարվում է 5 էջին համարժեք չափով:   

Ծանոթություն`

1. Գրավոր թարգմանված նյութի մեկ միավորի գինը հաշվարկվում է հետևյալ կերպ` մեկ էջի համար, այն պետք է բաղկացած լինի 1800 նիշից:
2. Մինչև 1800 նիշից բաղկացած թարգմանված նյութի համար թարգմանված նյութի գնի հաշվարկը կատարվում է հետևյալ կերպ` մեկ էջի (1800 նիշ) համար սահմանված գին /1800 x  թարգմանված նյութի նիշերի քանակ/:
3. Թարգմանված նյութը ներկայացվում է A4 ֆորմատով, տառերը` 12 շրիֆտով: Էջերի լուսանցքները` վերևից 20 մմ, ներքևից 25 մմ, աջից 15 մմ և ձախից 30 մմ, Միջտողային միջակայքը` 1.5:
4. Բանավոր և խուլ համրերի համար սուրդո թարգմանությունը կատարվում է Պատվիրատուի կողմից ներկայացվող պահանջի հիման վրա: Կատարողը՝ Պատվիրատուի պահանջը ստանալու օրվանից քննիչի որոշմամբ սահմանված ժամկետում կատարում է թարգմանությունը: Նշված թարգմանությունների մեկ միավորի գինը հաշվարկվում է ժամով, որը ներառում է բացառապես քննչական գործողության փաստացի տևողությունը:
5. Եթե թարգմանության կամ այլ ծառայության համար ծախսված ժամաքանակի մեջ առկա է մի հատված, որը գերազանցում է 30 րոպեն, բայց պակասում է մեկ ժամից, ապա ժամաքանակի այդ հատվածը հավասարեցվում է մեկ ժամի, իսկ եթե ժամաքանակի մասը չի գերազանցում 30 րոպեն, ապա այդ հատվածը հավասարեցվում է կես ժամի, եթե թարգմանության մեջ առկա է մի հատված, որը գերազանցում է կես էջը, բայց պակասում է մեկ էջից, ապա այն հավասարեցվում է մեկ էջի, իսկ եթե թարգմանության մի հատվածը պակաս է կես էջից, ապա այդ հատվածը հավասարեցվում է կես էջի։ Թարգմանչական էջ է համարվում 1800 նիշ բացատով էջը:
6. Գնման առարկա հանդիսացող թարգմանության ծառայությունները ՀՀ հակակոռուպցիոն կոմիտեի կարիքների համար ձեռքբերվող թարգմանության ծառայություններ են, որոնք մատուցվում են Հայաստանի Հանրապետության ամբողջ տարածքում: Ծառայության մատուցման գինը ներառում է Կատարողի կողմից իրականացվող բոլոր ծախսերը՝ այդ թվում փոխադրման, հարկերի, տուրքերի, այլ վճարումների գծով ծախսերը:

Ծանոթություն.

* Հաղթող ճանաչված կազմակերպությունը կամ ֆիզիկական անձը ՀՀ հակակոռուպցիոն կոմիտեում շրջանառվող պետական և ծառայողական գաղտնիք կազմող  տեղեկություններին կարող է ծանոթանալ «Պետական և ծառայողական գաղտնիքի մասին» ՀՀ օրենքով սահմանված կարգով համապատասխան թույլտվության իրավունք ստանալուց հետո, իսկ հակակոռուպցիոն կոմիտեի համապատասխան ծառայողները (աշխատակիցները) մինչև պետական կամ ծառայողական գաղտնիք կազմող տեղեկությունների տրամադրումը պարտավոր են համոզվել, որ դրանք ընդունող կազմակերպությունները ՀՀ կառավարության կողմից սահմանված կարգով, գաղտնիության համապատասխան աստիճանի տեղեկությունների օգտագործմամբ աշխատանքներ կատարելու, իսկ ֆիզիկական անձինք` դրանց առնչվելու համապատասխան թույլտվության իրավունք ունեն:

** Մասնակիցը գնային առաջարկը ներկայացնում է արժեք (ինքնարժեքի և կանխատեսվող շահույթի հանրագումարը) և ավելացված արժեքի հարկ ընդհանրական բաղադրիչներից բաղկացած հաշվարկի ձևով: Արժեքի բաղադրիչների հաշվարկ` բացվածք կամ այլ մանրամասներ չեն պահանջվում և ներկայացվում: Եթե մասնակիցը տվյալ գործարքի գծով Հայաստանի Հանրապետության պետական բյուջե պետք է վճարի ավելացված արժեքի հարկ, ապա գնային առաջարկում առանձնացված տողով նախատեսվում է այդ հարկատեսակի գծով վճարվելիք գումարի չափը: Մասնակիցների գնային առաջարկների գնահատումն ու համեմատումն իրականացվում են առանց սույն ենթակետում նշված հարկի գումարի հաշվարկման: