Հ Ա Յ Տ Ա Ր Ա Ր ՈՒ Թ Յ ՈՒ Ն

ՀՀ հակակոռուպցիոն կոմիտեում փորձագետ ներգրավելու մասին

1. Աշխատանքների համառոտ նկարագրությունը՝

ՀՀ հակակոռուպցիոն կոմիտեն (այսուհետ՝ Կոմիտե) մասնագիտացված լինելով կոռուպցիոն բնույթի հանցագործությունների քննությամբ, ներկայումս իր լիազորությունների շրջանակում «Օպերատիվ-հետախուզական գործունեության մասին» օրենքով սահմանված կարգով իրականացնում է օպերատիվ-հետախուզական գործունեություն: Կոռուպցիոն բնույթի հանցագործությունների հայտաբերմանը,  բացահայտմանն ուղղված  աշխատանքների ընթացքում ծագում են խնդիրներ՝ կապված տեղեկատվական տեխնոլոգիաների, տեղեկատվական ավտոմատացված հա­­­մա­­­­կարգերի, տվյալների շտեմարանների ստեղծման, նոր տեղեկատվական տեխնոլոգիաների, տեխնիկա-ծրագրային միջոցների ներդրման ու թեստավորման, սպասարկման, տեղեկատվական-տեխնիկական անվտանգության, ներքին/լոկալ համակարգչային ցանցերի (ներառյալ սերվերները), զարգացնման, շահագործման ու սպասարկման, ռադիոինժիներիայի կամ  ռադիոէլեկտրոնիկայի  բնագավառների հետ: Անհրաժեշտություն է առաջանում տվյալ բնագավառների գիտելիքների տիրապետող մասնագետ-փորձագետի խորհրդատվության, աջակցության, վերլուծությունների, հաշվետվությունների և եզրակացությունների:

Կոմիտեի օպերատիվ-հետախուզական վարչության կանոնադրական խնդիրներից բխող կոնկրետ հանձնարարականների իրականացմամբ պայմանավորված անհրաժեշտ է պայմանագրային հիմունքներով ներգրավել փորձագետ:

2.  Փորձագետներ ներգրավելու ժամկետը՝ մինչև մեկ տարի։

2.1 Փորձագետի աշխատավարձը կազմում է՝  547 857 (հինգ հարյուր քառասունյոթ հազար ութ հարյուր հիսունյոթ) ՀՀ դրամ։ 

3 .Փորձագետների պարտականությունները՝

3.1 բարեխղճորեն կատարել աշխատանքային պայմանագրով ստանձնած աշխատանքները.

3.2 պահպանել համապատասխան մարմնում սահմանված ներքին կարգապահական կանոնները, աշխատանքային կարգապահությունը.

3.3 սահմանված ժամկետներում կազմել և ներկայացնել փորձագետի աշխատանքների ծրագրով նախատեսված հաշվետվությունները.

3.4 պահպանել աշխատանքի պաշտպանության և անվտանգության ապահովման միջոցները.

3.5  իրականացնել աշխատանքային օրենսդրությամբ, «Հանրային ծառայության մասին» օրենքով և աշխատանքային պայմանագրով իրեն վերապահված այլ պարտականությունները.

4. Փորձագետներին ներկայացվող պահանջները՝

Ռադիոտեխնիկա և կապ մասնագիտությամբ բարձրագույն կրթություն,

Տեղեկատվական տեխնոլոգիաների, տեղեկատվական-տեխնիկական անվտանգության, ռադիոինժիներիայի կամ ռադիոէլեկտրոնիկայի բնագավառում՝ հինգ տարվա աշխատանքային ստաժ, 

Համակարգչով և ժամանակակից այլ տեխնիկական միջոցներով աշխատելու ունակություն, ռուսերեն կամ անգլերեն լեզուներին (կարող է կարդալ և բացատրվել) տիրապետում, ինչպես նաև ոլորտի իրավական ակտերի մշակման փորձառություն,

Գրավոր և բանավոր հայերենի գերազանց իմացություն,

Տվյալների բազայի հետ աշխատելու կարողություն,

MS Excel ծրագրի լավ իմացություն և գործնական կիրառություն,

Համակարգչով և ժամանակակից այլ տեխնիկական միջոցներով աշխատելու ունակություն։

Դիմող ՀՀ քաղաքացիները պետք է ներկայացնեն հետևյալ փաստաթղթերը՝

1. դիմում ՀՀ հակակոռուպցիոն կոմիտեի գլխավոր քարտուղարի անունով https://bit.ly/42UGn1n).

2. անձնագիր կամ նույնականացման քարտ.

3. սոցիալական քարտ կամ հանրային ծառայության համարանիշ ունենալու մասին տեղեկանք.

4. կրթությունը հավաստող պետական նմուշի փաստաթուղթ (փաստաթղթեր).

5. աշխատանքային գրքույկ (գրքույկի բացակայության դեպքում անհրաժեշտ է ներկայացնել տեղեկանք/ներ կամ այլ փաստաթուղթ/եր).

6.  արական սեռի անձինք՝ նաև զինվորական գրքույկ կամ դրան փոխարինող ժամանակավոր զորակոչային տեղամասին կցագրման վկայական, կամ համապատասխան տեղեկանք.

7.  մեկ լուսանկար՝ 3 X 4 սմ չափսի.

8.  ինքնակենսագրական.

9. հայտարարություն ՀՀ կառավարության 2018 թվականի օգոստոսի 2-ի 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին (https://bit.ly/4bS8hiu)։

Պաշտոնի նշանակելու իրավասություն ունեցող պաշտոնատար անձի կողմից ընտրություն կատարելու եղանակներն են՝

Դիմում ներկայացրած քաղաքացիների փաստաթղթերի ուսումնասիրություն, ինքնակենսագրականների ուսումնասիրություն։

Քաղաքացիները դիմումը և փաստաթղթերը ներկայացնում են անձամբ պատճենների հետ միաժամանակ կամ n.mikaelyan@anticorruption.am էլեկտրոնային փոստի միջոցով՝ բնօրինակներից սկանավորված եղանակով: Եթե քաղաքացին դիմումը և փասատթղթերը ներկայացնում է անձամբ, ապա անմիջապես ստանում է համապատասխան հավաստում փաստաթղթերը ներկայացված լինելու վերաբերյալ, իսկ էլեկտրոնային փոստի միջոցով ուղարկելու դեպքում համապատասխան հավաստումը ստանում է մեկ աշխատանքային օրվա ընթացքում:

Փաստաթղթերն ընդունվում են 2024 թվականի փետրվարի 26-ից 2024 թվականի փետրվարի 29-ը, ժամը 18։00-ն՝ ներառյալ։  Էլեկտրոնային փոստով ուղարկված փաստաթղթերի ընդունման համար ժամկետի ավարտման օրը՝ ժամը 24:00-ն:

Լրացուցիչ տեղեկությունների համար դիմել Հայաստանի Հանրապետության hակակոռուպցիոն կոմիտե՝ անձնակազմի կառավարման վարչություն 011 900 027, 011 900 026 հեռախոսահամարներով։