Հ Ա Յ Տ Ա Ր Ա Ր ՈՒ Թ Յ ՈՒ Ն

ՀՀ հակակոռուպցիոն կոմիտեի նյութատեխնիկական ապահովման, շահագործման և արխիվի բաժնի համակարգչային ցանցի ադմինիստրատորի պաշտոնի համալրման համար անցկացվող մրցույթի

             1. Աշխատանքների համառոտ նկարագրությունը՝

ՀՀ հակակոռուպցիոն կոմիտեն (այսուհետ՝ Կոմիտե) ներկայումս ունի նյութատեխնիկական ապահովման, շահագործման և արխիվի բաժնի համակարգչային ցանցի ադմինիստրատորի  (քաղաքացիական աշխատանք կատարող)  անհրաժեշտություն, ով կկատարի ՀՀ հակակոռուպցիոն կոմիտեի ծրագրակազմի տեղադրում օգտվողների սերվերների և համակարգիչների վրա, կիրականացնի տպիչ սարքերի արդիականացում, տոներային և թանաքային քարթրիջների լիցքավորում և արդիականացում, սարքավորումների տեղադրում և ցանցի արդիականացում, ծրագրային ապահովման կամ սարքավորումների տեղադրման ընթացքում երրորդ կողմի մասնագետների աշխատանքի վերահսկում, հանձնարարված առաջադրանքների կատարման որակի ստուգում:

             2. Համակարգչային ցանցի ադմինիստրատորին ներկայացվող պահանջները՝

Բարձրագույն կրթություն,

Տեղեկատվական տեխնոլոգիաների, տեղեկատվական ավտոմատացված համակարգերի, համակարգչային նոր ծրագրերի և համակարգերի ներդրման բնագավառում՝ մեկ տարվա աշխատանքային ստաժ, 

Ռուսերեն կամ անգլերեն լեզուներին (կարող է կարդալ և բացատրվել) տիրապետում,

Գրավոր և բանավոր հայերենի գերազանց իմացություն,

Տվյալների բազայի հետ աշխատելու կարողություն։

             3. Համակարգչային ցանցի ադմինիստրատորի աշխատավարձը կազմում է՝  228 800 (երկու հարյուր քսանութ հազար ութհարյուր) ՀՀ դրամ, ներառյալ հարկեր և պարտադիր այլ վճարներ:

             4. Դիմող ՀՀ քաղաքացիները պետք է ներկայացնեն հետևյալ փաստաթղթերը՝ 

       1. դիմում ՀՀ հակակոռուպցիոն կոմիտեի գլխավոր քարտուղարի անունով https://bit.ly/3KcvS21 . 

       2. անձնագիր կամ նույնականացման քարտ.

       3. սոցիալական քարտ կամ հանրային ծառայության համարանիշ ունենալու մասին տեղեկանք.

       4. կրթությունը հավաստող պետական նմուշի փաստաթուղթ (փաստաթղթեր).

       5. աշխատանքային գրքույկ (գրքույկի բացակայության դեպքում անհրաժեշտ է ներկայացնել տեղեկանք/ներ կամ այլ փաստաթուղթ/եր).

       6.  արական սեռի անձինք՝ նաև զինվորական գրքույկ կամ դրան փոխարինող ժամանակավոր զորակոչային տեղամասին կցագրման վկայական, կամ համապատասխան տեղեկանք.

       7.  մեկ լուսանկար՝ 3 X 4 սմ չափսի.

       8.  ինքնակենսագրական։

              5. Պաշտոնի նշանակելու իրավասություն ունեցող պաշտոնատար անձի կողմից ընտրություն կատարելու եղանակներն են՝

Դիմում ներկայացրած քաղաքացիների փաստաթղթերի ուսումնասիրություն, ինքնակենսագրականների ուսումնասիրություն։

Քաղաքացիները դիմումը և փաստաթղթերը ներկայացնում են անձամբ պատճենների հետ միաժամանակ կամ n.mikaelyan@anticorruption.am էլեկտրոնային փոստի միջոցով՝ սկանավորված եղանակով:

Փաստաթղթերն ընդունվում են 2023 թվականի փետրվարի 27-ից մինչև 2023 թվականի մարտի 10-ը, ժամը 18։00-ն՝ ներառյալ։  Էլեկտրոնային փոստով ուղարկված փաստաթղթերի ընդունման համար ժամկետի ավարտման օրը՝ ժամը 24:00-ն:

Լրացուցիչ տեղեկությունների համար դիմել Հայաստանի Հանրապետության hակակոռուպցիոն կոմիտե՝ անձնակազմի կառավարման վարչություն 011 900 027, 011 900 026 հեռախոսահամարով։